கால்பந்து

புட்பால் எது வாலிபால் எது அப்படின்ற குழப்பம் இன்னமும் பல பேர்க்கு இருக்கு என்னையும் சேர்த்து. சின்ன வயசுல பல தடவ வாலிபால் வெச்சி புட்பால் விளையாடி என்னோடு தண்டனை வாங்கின சில பேர்க்கு இது புரியும்.ஒரு வகுப்பில் உள்ள நாற்பது பேரும் ஒரு பந்தை துரத்திட்டு ஓடிட்டு இருப்போம். புட்பால் உதைத்ததை விட நண்பர்களின் காலை உதைச்சது தான் ஜாஸ்தி .

மேலே சொன்ன எல்லா விஷயமும் கோபிக்கு பொருந்தும். கோபி - காலேஜ்ல படிப்பை தவிர எல்லாத்தயும் பாஸ் பண்ணிட்டு இருக்கறவன் டைம் பாஸும் சேர்த்துதான்.லீவ் நாட்களில் தன் நண்பன் முரளி ரூமே கதி என்று கிடப்பான்.அப்படி தான் ஒரு சண்டே முரளி ரூம்க்கு போனான்.

காலிங் பெல் அடிக்க கதவை திறந்தது வாசு.

" மச்சி வாசு டா. என் பிரண்டு நான் சொல்லிருக்கேன் இல்ல." - முரளி அறிமுகம் செய்தான்.

" ஹாய் பாஸ் " - "ஹாய் ".

ஏற்கனவே வாசு பெரிய டூமான்கோலி அப்படின்னு முரளி கோபி கிட்ட சொல்லி வெச்சிருந்தான்.அதனால கொஞ்சம் அடக்கியே வாசித்தான் கோபி.

"இன்னைக்கி என்ன பிளான் மச்சி " - பிட்டை போட்டான் கோபி.

"இன்னைக்கி மேட்ச் இருக்கு மச்சி.வாசு பாக்கணும்னு சொல்லறான் " - முரளி.

"கிரிக்கெட் மேட்ச் எதுவும் இல்லியே இன்னைக்கி" - கோபி

"புட்பால் மேட்ச் பாஸ். வேர்ல்ட் கப் நடந்துட்டு இருக்கே.நீங்க பாக்கறது இல்லியா.இன்னிக்கி இங்கிலாந்த் அண்ட் பிரேசில் மேட்ச். பட்டய கெளப்பும்" - வாசு

ஒரு கணம் ஐயோ புட்பால் என்று விபரீதம் தோன்றி மறைந்தாலும் வெளிய காட்டமா
"ஆமா.நானும் மறந்தே போயிட்டேன்." - என்று பில்ட் அப் கொடுத்தான் கோபி.

"எனக்கு புட்பால் மேல ஆர்வம் ஜாஸ்தி.எங்க காலேஜ் டீம்லயும் நான் இருக்கேன் " - வாசு.

அது ஆர்வம் இல்ல ஆர்வ கோளாறு அப்படின்னு மனசுல நெனச்க்கிட்டான் கோபி.ஆனாலும் வெளிய - "எனக்கும் ஆர்வம் ஜாஸ்தி .ஆனா என்ன பண்ண எங்க காலேஜ்ல புட்பால் கிரௌண்ட் இல்ல."

"சரி உங்களக்கு யார புடிக்கும் " - என்று வாசு ஆரம்பிக்க . புட்பால நம்ம அறிவு - குட் மார்னிங் மை நேம் இஸ் கோபி ரேஞ்சு தான் அதனால இதுல இருந்து எஸ்கேப் ஆகணும்னு பேச்சை மாத்தினான் கோபி ."மேட்ச் எதுல வருது.ஆரமிசிட போகுது.டிவி போடுங்க".

நல்ல வேலையாக மேட்ச் ஆரமிக்க நிம்மதி ஆனான் கோபி.

புட்பால் அதிகம் பார்க்காத மக்களுக்கு வரும் முதல் பெரும் சோதனை கோபிக்கும் வந்தது. வேற ஒன்னும் இல்ல எந்த டீம் இங்கிலாந்த்,எந்த டீம் பிரேசில் அப்படின்னு கண்டு புடிக்கறது தான்.

வாசு கிட்ட கேக்கறத விட முரளி கிட்ட கேட்டா சின்ன அவமானத்தோட போய்டும்னு அவன் கிட்ட போனான்.முரளி ஆர்வமா மேட்ச் பாத்துன்னு இருந்தான்.

"மச்சி - இங்கிலாந்த் டீம் டிரஸ் செம கன்றாவியா இருக்கில" - கோபி.

"ரெண்டுத்துல எதுடா இங்கிலாந்த்.நானும் ஆரமிச்சதுல இருந்து அததான் யோச்சிட்டு இருக்கேன் " - முரளி கவுன்ட்டர் குடுக்க கண்ணீர் வராத குறையாக அவன பார்த்தான் கோபி.அது சரி,நம்ம கூட சேருற கோஷ்டி நம்மள மாதிரி தானே இருக்கும்னு தெரிஞ்சது அவனுக்கு . "y blood same blood" கதை ஆனதால டீம் தெரியாம ரெண்டு பேரும் பாக்க ஆரமிச்சாங்க.

அப்பபோ வாசு ஆப் சைடு,பெனால்டி,கார்னர் கிக் அப்படின்னு சொல்ல இவுங்களும் ரியாக்டியன் குடுத்துட்டு இருந்தானுங்க.

" மச்சி விட்ரா.கோல் போட்டா கண்டுபுடிச்சிடலாம் " - முரளி.

இவுங்க நேரம் முதல் பாதி கோல் இல்லாமலே முடிஞ்சுது.

"ச்சே மேட்ச் ஒரே மொக்கையா போச்சி " - வாசு.மேட்ச் மட்டுமா .சரி அவமான பட்டாலும் பரவா இல்ல கேட்டுடலாம் அப்படின்னு ரெண்டு பேரும் கேட்டானுங்க.

"அட பாவிங்களா.அப்போவே கேட்டுருந்தா சொல்லிருப்பனே. வெள்ளை கலர் பிரேசில் மஞ்சள் கலர் இங்கிலாந்த்." - தெளிவாக வாசு சொல்லிட்டு இருக்கும் போதே முதல் கோல் அடிச்சானுங்க மஞ்சள் கலர் இங்கிலாந்த்.

இவுங்களே கோல் போட்ட மாதிரி கத்தி ஆர்பாட்டம் பண்ணிட்டு இருக்க ஸ்கோர் போர்டு பெருசா வந்தது (பிரேசில் 1 - இங்கிலாந்த் 0) அப்படின்னு.

முரளி ,கோபி ரெண்டு பேருக்கும் பல்பு எரிய - அரசியல்ல இதெல்லாம் சாதரணமப்பா - என்று வாசுவின் மொபைல் ரிங்டோன் அடிச்சது.